Að búa til eitthvað fallegt

Ég hef margoft talað um það hvað ég elska að gera klippimyndir og það veitir mér bæði ró og gleði að föndra slíkar myndir. Það er eitthvað við að endurnýta tímarit og blöð og svo klippa og líma og raða.

Hefurðu prófað að gera svona mynd?

Á hverju nýju ári þá geri ég mynd fyrir vonir mínar og væntingar til ársins sem er framundan, það er oft kallað visionboard eða draumamynd. Ég hóa nokkrar af mínum vinkonum saman og við spjöllum og klippum og límum og ég mæli heilshugar með þessari leið til að byrja nýja árið og kjarna sig aðeins :)